Ким Џонг Ун вети дека ќе го забрза развојот на нуклеарниот арсенал
Севернокорејскиот лидер Ким Џонг Ун вети дека ќе го забрза развојот на нуклеарниот арсенал на неговата земја.
Тој го вети тоа откако присуствуваше на гангстерска воена парада на која беа прикажани интерконтинентални балистички ракети (ИЦБМ), објавија денеска државните медиуми.
Во извештајот на новинската агенција КЦНА детално се опишува дека парадата била одржана во понеделникот вечерта како дел од прославата на 90-годишнината од вооружените сили на Северна Кореја, пренесува Ројтерс.
Пјонгјанг неодамна ги интензивираше тестирањата на оружјето и демонстрациите на воена моќ бидејќи преговорите за денуклеаризација со Соединетите Држави заглавија и новата конзервативна администрација ја презеде власта во Јужна Кореја.
Американските и јужнокорејските власти соопштија дека има знаци за нова градба на единствената позната локација за нуклеарни тестирања во Северна Кореја, која е официјално затворена од 2018 година, што укажува на тоа дека Пјонгјанг можеби се подготвува да продолжи со тестирање на нуклеарно оружјe.
