Зеленски: Русија се однесува лудо
Украинскиот претседател Володимир Зеленски изјави дека Русија се однесува лудо затоа што се уште се обидува да победи во регионот на Донбас.
Зеленски рече дека е благодарен на секој што продолжува да го брани Донбас и другите источни и јужни региони, додавајќи дека Украина „чекор по чекор ги принудува руските окупатори да ја напуштат украинската земја“.
Во саботата, украинската армија објави дека руските трупи се повлекуваат од околината на Харков, вториот по големина украински град, откако го бомбардираа со недели.
Да потсетиме, Зеленски претходно реагираше со ентузијазам на победата на Украина на Изборот за песна на Евровизија и рече дека ќе направи се што е во негова моќ Украина да биде домаќин на натпреварот следната година.
„Сигурен сум дека нашиот победнички акорд во борбата против непријателот не е далеку“, додаде тој.
