Официјалната изјава на Москва: „Ние сме подготвени“
Официјална Москва е подготвена да ги продолжи преговорите со Киев за ситуацијата во Украина, изјави рускиот заменик министер за надворешни работи Андреј Руденко.
Тој додаде дека Русија не сака ни да види „замрзнување“ на преговорите во оваа фаза.
„Не беше наша иницијатива да ги прекинеме тековните преговори, да воведеме пауза. Подготвени сме да се вратиме на преговорите штом Украина покаже конструктивна позиција и понуди одговор, или барем реакција, на предлозите што ги доставивме”, тој рече.
Тој рече и дека официјална Москва во контекст на преговорите не обрнува премногу внимание на зборовите на советникот на украинскиот претседател Михаил Подолијак дека Киев исклучува секаков договор со Москва што подразбира признавање на нови граници.
Руденко рече и дека не е исклучено една од темите на преговорите да биде и размената на затвореници од фабриката „Азовстаљ“ кај Мариупол.
„Не е во моја надлежност да зборувам, но претпоставувам дека се споменува таква идеја. Ја дозволувам таа можност, тоа е многу разумно прашање“, додаде тој.
