Актуелно

11 бебиња загинаа во пожар во болница

Од Скопје 1

Објавено на 26/05/2022

Најмалку 11 новороденчиња ги загубија животите во пожар во неонаталното одделение на регионалната болница во градот Тивауан во Сенегал.

Ова денеска го соопшти претседателот на таа земја, Маки Сал.

Според прелиминарните резултати од истрагата, причина за пожарот е краток спој, изјави за локалната телевизија министерот за здравство на Сенегал, Андулаје Диуф Сар.

Претседателот Сал, кој е во државна посета на Ангола, упати длабоко сочувство до мајките и нивните семејства, пренесува Ројтерс.

Градот Тивауан е оддалечен околу 120 километри од главниот град Дакар.