„Наесен можни се 80.000 нови инфекции“, вели австрискиот министер за здравство
Од
Објавено на
Австрискиот министер за здравство Јоханес Раух предупреди дека пандемијата на коронавирус не е завршена.
Тој исто така рече дека наесен Австрија би можела да се соочи со 80.000 новозаразени лица дневно.
Според досегашните планови, нема да има нов локдаун, но речиси сигурно е дека ќе се врати обврската за носење маски. Австријците до крајот на годината имаат право на 5 ПЦР и антигенски тестови бесплатно месечно.
На лицата постари од 65 години или на членовите на ризичните групи им се препорачува сега повторно да се вакцинираат, а петтата доза да ја примат наесен.
Прогнозите на градот Виена се дека во јуни ќе започне нов бран зарази, на што укажува драстичниот раст на новозаразените за околу 70 отсто на крајот на оваа недела.
