Актуелно

Рекордни температури во САД: Во Феникс измерени 46 степени

Од Скопје 1

Објавено на 13/06/2022

Феникс, Лас Вегас, Денвер и Долината на смртта во Калифорнија забележаа рекордни температури.

Националната метеоролошка служба во Феникс регистрираше температура на воздухот од 46 степени Целзиусови, што е еднакво на рекордот од 11 јуни 1918 година, објави АП.

Лас Вегас го израмни рекордот од 1956 година со температура од 43 степени Целзиусови.

Националната метеоролошка служба соопшти дека постои можност температурите во двата града дополнително да се зголемат.

Температурата на воздухот во Денвер достигна 38 степени Целзиусови, што е еднакво на рекордот поставен во 2013 година.

Издадени се предупредувања за прекумерна топлина за делови од северна Калифорнија преку Централната долина и сè до југоисточните пустини.