Руските сили ја протераа украинската армија од центарот на Северодонецк
Од
Објавено на
Руските сили ја протераа украинската армија од центарот на Северодонецк, клучен град во источна Украина, соопшти денеска Генералштабот на украинската армија.
Околу тој град, да потсетиме, двете војски се борат со недели.
„Со артилериска поддршка, непријателот го нападна Северодонецк, постигна делумен успех и ги потисна нашите единици од центарот на градот. Непријателствата продолжуваат“, соопшти Генералштабот на Фејсбук.
Руската армија моментално се обидува да го освои целиот Донбас, рударски басен во источна Украина, кој е делумно во рацете на проруските сепаратисти од 2014 година.
Русија започна војна во Украина на 24 февруари.
