Хрватската влада донесе нови мерки за цената на горивата
Од
Објавено на
Хрватската влада утринава донела нови мерки поврзани со цената на горивата.
Цената на горивата на сите бензински пумпи, освен на автопатиштата се фиксира на сегашните 13,08 куни за „евродизелот“ и 13,5 куни за бензинот.
На автопатиштата во Хрватска цените растат до 14.57 куни за дизелот, а „евросупер 95“ ќе се продава до 14,06 куни.
Премиерот Пленковиќ ѝ се обрати на јавноста со детали.
„Одлучивме повторно да интервенираме. Ќе ја фиксираме сегашната цена за сите бензински, освен за оние на автопатиштата“, рече Пленковиќ.
Владината уредба, според зборовите на хрватскиот премиер, ќе се однесува за 94 отсто од бензинските станици.
