Турски весник: Турцијане видела никаква предност од НАТО, напуштањето би значело ново стратешко партнерство
За 70 години членство во НАТО, Турција не видела никаква предност, а еден аргумент во корист на членството е правото на вето, пишува турскиот весник „Џумхуриет“.
Според авторот на написот Мехмет Али Ѓулер, Анкара треба да ги затвори Црното Море, Кавказ и западните порти на Централна Азија кон САД и да стане дел од големото евроазиско партнерство.
Напуштањето на Алијансата би значело преминување кон стратешко партнерство со Русија и Иран, како и интеграција во „новиот свет“ преку организациите БРИКС и ШСО.
Поради настаните во Украина на 18 мај, Финска и Шведска поднесоа барање до генералниот секретар на НАТО за влез во Алијансата. Турција го блокираше почетокот на процесот на разгледување на овие апликации. Турскиот претседател Реџеп Таип Ердоган изјави дека Анкара не може да каже „да“ за членството на Финска и Шведска во НАТО, бидејќи не може да им верува на нивните гаранции за односите со претставниците на Работничката партија на Курдистан, која е забранета во Турција.
