Турција започна со производство на национална подморница
Турција продолжува да развива и произведува сопствено оружје.
Имено, првиот човек на Дирекцијата за одбранбена индустрија на Турција (ССБ), Исмаил Демир, изјави дека производството на подморницата STM500, која е целосно дизајнирана од турски инженери благодарение на националните ресурси, ќе започне со пробно производство на издржлив брод, јавува Агенција Анадолија (АА).
Демир на својот Твитер профил ги сподели најновите информации за проектот на турската национална подморница.
Тој посочи дека подморницата STM500 ќе биде изградена со напредни и модерни борбени системи.
„Историски чекор во нашиот национален проект за подморници. Започнуваме со производство на подморницата STM500, дизајнирана од турски инженери со национални ресурси, со пробно производство на издржлив брод. STM500 е дизајниран да се користи на отворено море, но и на плитки води“, рече Демир и додаде: „STM500 ќе биде опремен со напредни и модерни борбени системи кои ќе вклучуваат опрема што ќе ги задоволи тактичките потреби, како што се извидување и надзор, операции на специјалните сили и војување со подморници“.
