Свет

(ВИДЕО) Најмалку три лица загинаа во судир на воз и камион

Avatar
Објавено на

Три лица загинаа, а десетици се повредени кога патнички воз со над 200 патници излета од шините кај Мендон.

Возот излета од шините по судир со камион за ѓубре, соопштија денеска официјални лица.

Несреќата се случила во понеделникот во 13:42 часот по локално време, изјави портпаролката на железничката компанија Амтрак, пренесе АП.

Две лица загинаа во возот, кој се движеше од Лос Анџелес кон Чикаго, а едно во камион, а се уште не се знае точно колку луѓе се повредени. Болниците објавија дека примиле повеќе од 40 пациенти, соопшти полицијата на државата Мисури.

Возот на Амтрак превезувал околу 207 патници и персонал кога судирот се случил во близина на Мендон, на рурална раскрсница на неосветлен пат без семафори, соопштија официјални лица.

Се уште се утврдува точниот број на луѓе кои биле во возот, а од шините излетале вкупно седум вагони, соопшти полицијата.

Засега не се знае зошто камионот бил на шините, изјави претставникот на Националниот комитет за безбедност во сообраќајот, напоменувајќи дека нивниот истражен тим „во следните неколку дена ќе собере докази зошто тој дел од пругата ќе биде запрен за сообраќај. ”

Поврзани вести преку ознаки:,

Прочитајте и:

На почеток