Германија: Оние кои немаат да платат ќе се греат во големи сали
Во Германија расте стравот од зимата поради недостигот на гас и дали по прекинот на испораките поради ремонт на Северен тек 1, Русија повторно ќе извезува гас.
Се повеќе германски градови формираа кризни штабови и развиваат планови за итни случаи.
Тие планови предвидуваат да се отворат сали во кои граѓаните, кои веќе не можат да си дозволат да плаќаат парно, би можеле да се греат.
Се подготвуваме за есен и зима за сите можни сценарија“, изјави градоначалникот на Лудвигсхафен, Јута Штајнрук.
Тој град ја планираше салата „Фридрих Еберт“ за греење на граѓаните.
Таа сала, која се користеше за изложби, спортски натпревари и слично, за време на пандемијата беше претворена во центар за вакцинација, а по потреба ќе биде и сала за греење за сите оние кои немаат пари да платат за затоплување на домовите.
Вакво „колективно греење“ планираат и градовите Нојштад, Франкентал и Ландау.
Покрај тоа, овие градови планираат да заштедат енергија со исклучување на осветлувањето во јавните згради или ноќе, дури и семафорите.
Во Дизелдорф властите најавија дека ќе го намалат парното во есен и зима, а во текот на летото ќе апелираат до населението да користи помалку клима уреди.
Во Рендсбург веќе го откажаа лизгалиштето на божиќниот пазар поради можен проблем со струјата.
