(ВИДЕО) Снимка од потрагата по Мартин, половина месец трае борбата за него
Никој не се откажува од пронаоѓањето на Мартин. Пријателите, семејство, пријатели во континуитет, петнаесети ден по ред трагаат по младиот скопјанец, кој исчезна на Халкидики, Грција. Екипи со бродови, чамци, дронови, се вклучени во пронаоѓањето. Објавено е и видео од потрагата.
Волонтерскиот спасувачки тим ОФКАТ вели дека продолжуваат со потрагата не само во морскиот дел, туку и од воздух со помош на авион од аеро- клубот во Солун, кој денеска ќе го прелета и делот околу Еврос и островот Тасос.
Членовите на ОФКАТ од првиот момент се на терен, секојдневно веќе 15-ти ден пребаруваат во различни делови, како на копно, така и во вода, а нивната потрага продолжи и по завршувањето на официјалната потрага што ја водеше крајбрежната служба на Грција.
Христос Рамос, претседател на грчкиот волонтерски спасувачки тим изјави дека нема да запрат додека не го најдат Мартин.
