Ова може да нѐ чини многу: Најмоќните земји во светот размислуваат за блокирање на транспортот на руска нафта
Групата Г7, која ги обединува економски најмоќните земји во светот, размислува за блокада на рускиот транспорт на нафта за да ја лиши Москва од приходите поради инвазијата на Украина – освен ако цената на нафтата не биде ограничена.
Групата Г7 ја сочинуваат САД, Канада, Франција, Германија, Велика Британија, Италија и Јапонија.
Во изјавата за печатот, министрите на Г7 рекоа дека размислуваат за „сеопфатна забрана за сите услуги што овозможуваат поморски транспорт на руска сурова нафта и нафтени деривати низ светот, освен ако нафтата не се купи по цена договорена во консултација со меѓународните партнери или под таа цена“.
„ Додека ја разгледуваме оваа и другите опции, ќе разгледаме и други мерки за олеснување на цените, заедно со рестриктивни мерки, за да се осигураме дека најранливите земји ќе продолжат да имаат пристап до енергетските пазари, вклучувајќи го и рускиот“, се вели во соопштението.
Многу земји воведоа санкции кон Русија по инвазијата на Украина. Но, Кина и Индија одлучија да увезат уште поевтина руска нафта отколку пред почетокот на војната.
