Германски министер: „Нема да ја продолжиме работата на нуклеарните централи“
Германскиот министер за економија Роберт Хабек ја отфрли идејата за продолжување на работата на трите преостанати германски нуклеарни централи за да се заштеди на гас.
Тој рече дека со тоа ќе се заштедат најмногу 2 отсто од изворите на енергија.
Оваа заштеда не е доволна за да се рестартира дебатата за нуклеарната енергија каде што има консензус, рече Хабек во разговорот со граѓаните, на отворениот ден на Владата.
Останатите централи треба да бидат затворени до крајот на годината, според законот усвоен од владата на канцеларката Ангела Меркел по катастрофата во јапонската нуклеарна централа Фукушима во 2011 година.
„Ако земеме предвид колку би заштедиле, тоа би било погрешна одлука“, смета Хабек. Тој додаде дека е можно да е отворен за идејата за продолжување на работата на нуклеарната централа во Баварија доколку се покажува неопходно за стабилноста и снабдувањето со електрична енергија во текот на зимата.
Германија ќе изврши тестирање на својата мрежа во наредните недели.
