Косово објави фотографии од уметнички артефакти, ги бара назад од Србија
Косовското Министерство за култура, млади и спорт објави уште неколку фотографии од уметнички артефакти, вкупно дванаесет за нешто повеќе од два месеци, за кои тврдат дека „илегално ги држи Србија“.
The bronze lamp, discovered in the Northern Necropolis of the archaeological site of Ulpiana, belongs to the Roman Period (1st – 2nd century A.D), and its one of the 1247 🇽🇰 exhibits held unjustly by Serbia for over two decades. 1/2 pic.twitter.com/NDFljfJ3Sh
— Ministry of Culture, Youth and Sport (@MKRS_KS) August 24, 2022
Косовското Министерство за култура објави фотографија од бронзена светилка, за која велат дека е „откриена во северната некропола на археолошкиот локалитет Улпијана, му припаѓа на римскиот период (1 – 2 век н.е.) и е еден од 1247-те експонати што Србија неправедно ги држи повеќе од две децении“.
Ова е само еден од артефактите кои Косово ги бара назад. Имено, тие пред неколку дена објавија фотографија од „типично илирски“ шлем од металното доба (6-5 век п.н.е.), кој, како што велат, е пронајден во Пеќка Бања.
A typical Illyrian helmet, discovered in Banja e Pejës, Republic of Kosova, belongs to the Iron Age (6th – 5th century B.C.). It is one of the 1247 exhibits of 🇽🇰 museums’ collections held illegally by Serbia since 1999. 1/2 pic.twitter.com/vFr1Bv0XxI
— Ministry of Culture, Youth and Sport (@MKRS_KS) August 18, 2022
Потоа беше објавена уште една фотографија – црвена монохроматска хемисферична вазна, украсена со кафени геометриски мотиви од раниот неолит (7-6 милениум п.н.е.), за која се тврди дека е откриена во Рудник кај Србица.
1247 🇽🇰 exhibits are illegally held in Serbia since 1999. One of them is the red monochrome semi-spheric vase, decorated with brown color geometric motifs, was discovered in the Early Neolithic Period (7th – 6 millennium B.C) site of Runik, Skënderaj, Republic of Kosova. 1/2 pic.twitter.com/i3FX2OUt0g
— Ministry of Culture, Youth and Sport (@MKRS_KS) August 22, 2022
Во врска со тврдењата на Приштина и честото барање за „враќање“ на артефактите на Косово, српското Министерство за култура, исто така, во неколку наврати објави дека Приштина „продолжува со кампањата за обиди за одземање на културното наследство и негова злоупотреба при изградбата на не- постоечка државност и културен идентитет.“
Министерството за култура на Србија сè уште не ги искоментира последните тврдења од Приштина.
