Грција ја обвини Турција дека го поткопува единството на НАТО
Грчкото Министерство за надворешни работи ја обвини Турција дека го поткопува единството на НАТО во особено опасен момент.
Грција нема да и се придружи на Турција во падот, кој содржи безобразни закани и забелешки кои се надвор од сите граници, а се случуваат секојдневно, соопшти грчкото Министерство.
Веднаш ќе ги информираме сојузниците и партнерите со содржината на провокативните изјави од последните неколку дена, за да се разјасни кој го нарушува единството на нашиот сојуз во многу опасен момент“, соопшти грчкото Министерство.
Грчките власти додаваат дека „ќе продолжат да бидат столб на стабилноста и безбедноста за поширокиот регион, врз основа на меѓународното право и меѓународното поморско право“.
НАТО „сојузниците“ Грција и Турција веќе подолго време се во тензични односи, а последната ескалација се случи на крајот на август. Тогаш турското Министерство за одбрана објави дека грчкиот систем за противвоздушна одбрана С-300 ги гаѓал турските авиони Ф-16, што грчката страна негираше.
Реториката потоа се засили, а турскиот претседател Реџеп Таип Ердоган ја обвини Грција дека ги окупира островите во Егејското Море кои имаат демилитаризиран статус, заканувајќи се дека Анкара е подготвена да го направи „тоа што е потребно“ кога ќе дојде време.
