СЗО следи неколку случаи на „мистериозна болест“ во Аргентина
Светската здравствена организација (СЗО) следи неколку случаи на пневмонија од непознато потекло во Аргентина, каде досега се регистрирани три смртни случаи.
Десет случаи се поврзани со приватна клиника во северозападниот аргентински град Сан Мигел де Тукуман, соопшти Панамериканската здравствена организација, регионалната канцеларија на СЗО.
Сите тестови за познати респираторни вируси и други вирусни, бактериски и габични агенси се негативни, а надлежните ја отфрлаат можноста за ковид-19, се вели во соопштението, пренесува Sky News.
Мајкл Остерхом, експерт за заразни белодробни заболувања од Универзитетот во Минесота, смета дека причината за болеста може да биде нешто што пациентите го вдишувале, бидејќи белите дробови на пациентите во голема мера се погодени од инфекцијата.
Според него, понекогаш се случуваат „мистериозни болести“, а најчесто се објаснуваат со локални причини кои генерално немаат пандемични импликации.
