Гасот престана да истекува од Северен тек 2
Од
Објавено на
Гасот повеќе не истекува од гасоводот Северен тек 2, откако истекувањето испушти тони метан во Балтичкото Море во текот на неделата.
„Притисокот на водата повеќе или помалку го затвори цевководот, па гасот што е внатре не може да избега“, изјави за AFP портпаролот на „Северен тек 2“.
Според него, тоа може да значи две работи, пренесе Ројтерс.
„Или гасоводот е целосно празен или притисокот на гасот во гасоводот и водата надвор достигнаа рамнотежа“, посочи Лисек.
Русија го обвини Западот за истекувањето на гасоводите Северен тек 1 и Северен тек 2, додека земјите-членки на ЕУ веруваат дека тоа е саботажа, наведува агенцијата.
На 29 септември Шведската крајбрежна стража извести за истекување на гас во Балтичкото Море над гасоводот Северен тек.
