Вучиќ: Загрижен сум за разговорите со Приштина
Претседателот на Србија, Александар Вучиќ, ја пречека претседателката на Европската комисија, Урсула фон дер Лајен и заедно и се обратија на јавноста од Ниш.
Тие ги посетија работите на изградба на гасниот интерконектор Србија-Бугарија.
„Ќе направиме се што е потребно за да се усогласиме со европската визна политика“, рече Вучиќ по говорот на Фон дер Лајен.
„Што се однесува до разговорите со Приштина, јас сум многу загрижен. Ќе направиме се што можеме за да ги зачуваме мирот и стабилноста. Немаме каде да одиме“, рече Вучиќ.
Тој привлече внимание дека Урсула имала можност да се запознае со новите членови на Владата и и се заблагодари за грижата за народот во Србија.
По нивното обраќање следеа прашања од новинарите, а првото беше поврзано со иднината на Србија во Европската Унија.
„Процесот на проширување се заснова на заслуги и тоа е во рацете на земјата која сака да влезе во ЕУ. Во нивни раце е да постигнат напредок во реформите, што е исклучително важно. Вие направивте многу досега и ние работиме заедно за да постигнеме понатамошен напредок, но важно е да се усогласиме со нашата политика. Сметаме на вас во Србија како доверлив партнер“, рече Фон дер Лајен.
„Мислам дека ни помогнаа и повеќе отколку што очекувавме и ви благодарам за секаков вид на поддршка. Се надевам дека ќе се обидеме да ја убедиме ЕУ дека заслуживме да отвориме уште еден кластер, но не сум сигурен“, рече Вучиќ.
„Го почитуваме територијалниот интегритет на Украина и тоа никогаш не е доведено во прашање“, додаде Вучиќ и нагласи дека Србија ќе погледне како понатаму да напредува на патот кон Европската унија.
