Ортаци се со бандата од Арачиново која дивее во Скопје, посочи Мицкоски за Спасовски
Оливер Спасовски, министер за внатрешни работи, ќе добие интерпелација во Собранието. Според Христијан Мицкоски, има низа причини за тоа. Сите ги поврзува со неговата работа.
„Мислам дека е добро да се почне од почеток. Од снимените разговори со судии и обвинители кои завршија во депото на МВР, а никој не утврди како се снимани па се до бандата во Арачиново кои дивејат во овој град. Полицајците можеле да бидат жртви на таа нарко банда. Сите знаат кои се и каде живејат. Ортаци се со нив“, вели Мицкоски.
Периодов кој следи, рече Мицкоски, кога беше прашан кога ќе ја поднесат интерпелацијата.
„Точно знаеме кои се дел од бандата од Арачиново. Еве нека ги открие полицијата. Тие ги имаат институциите. Ако не преземат тие нешто, ќе ги објавиме ние. Дајте да одиме на изборите, да ги земеме институциите, да видиме дали тие мангупчиња ќе испраќаат закани како сега, кон новинари“, додаде Мицкоски.
