Австрија и Грција воведуваат задолжително тестирање за патниците од Кина
Австрија најави дека патниците кои доаѓаат во таа земја од Кина ќе мора да бидат тестирани за коронавирус, а слични мерки донесоа и грчките власти.
Австрискиот министер за здравство Јоханес Рауч изјави дека земјата одлучила да воведе задолжително PCR тестирање за патниците кои доаѓаат од Кина за да се спречи ширење на можни нови варијанти на вирусот.
Тој рече дека тестовите ќе важат 48 часа, нагласувајќи дека се неопходни во борбата против вирусот, пренесува Анадолија.
Контролите ќе ги вршат авиокомпаниите пред патниците да се качат во авионот во Кина.
Поради зголемувањето на бројот на новозаразени во Кина, Грција ќе ги преземе истите мерки.
Локалните медиуми јавуваат дека освен негативни тестови, патниците пред полетување ќе користат и маски со висока заштита на грчките аеродроми.
Откако Кина ги олабави мерките против СОВИД-19 на почетокот на декември минатата година, многу земји се загрижени поради зголемувањето на бројот на случаи и масовното ширење на инфекцијата.
Многу земји, како што се Италија, Шпанија, Франција, Германија, САД, Индија, Јапонија, Малезија, Велика Британија, Австралија и Канада, најавија задолжителни мерки за тестирање и здравствен мониторинг на патниците кои доаѓаат од Кина.
