Украина ќе добие уште една батерија Патриот, вели Зеленски
Украинскиот претседател Володимир Зеленски најави дека неговата земја наскоро ќе добие уште една батерија од противракетниот одбранбен систем Патриот.
Овој пат пристигнува од Холандија.
„Добив многу важни вести од холандскиот премиер Марк Руте. Украина ќе добие уште една батерија Патриот“, напиша Зеленски на својот канал Телеграм.
Тој додаде дека е загарантирана испораката на три батерии од тој противракетен систем во Украина, пренесува Тасс.
„Но, ова е само почеток. Работиме на нови решенија за подобрување на нашата воздушна одбрана“, рече украинскиот претседател.
Руте претходно рече дека Холандија се приклучува на американскиот проект за обезбедување системи Патриот на Украина.
Претходно и Германија изрази подготвеност да и обезбеди на Украина „Патриот“.
Станува збор за ракетен систем земја-воздух кој се користи во САД од 1980-тите.
Системот Патриот може да соборува ракети со среден дострел, како и авиони, беспилотни летала и крстаречки ракети.
