Свет

Снежно невреме во Европа, најкритично во Полска и Чешка

Обилниот снег во саботата предизвика прекин на електричната енергија и бројни сообраќајни несреќи во Чешка, Полска и Словачка.

Во чешкиот град Хертвиковице загина мотоциклист кога врз него паднало дрво на селски пат, јави агенцијата ЧТК.

Во полското село Ваврска, југоисточно од Краков, 70-годишна жена останала без кислород и поради тоа починала.

Противпожарното возило кое требало да и достави нова боца со кислород поради снег излетало од патот и не стигнало на време, соопшти ПАП.

Во Полска 100.000 домаќинства останаа без струја поради снежното невреме, јавува N1 Загреб.

Слично е и во Словачка, каде што илјадници домаќинства беа отсечени поради снегот.

Полицијата извести за голем број сообраќајни несреќи во таа земја предизвикани од лошите временски услови.

На почеток