Бајден повика на единство на молитвениот појадок
Од
Објавено на
Американскиот претседател Џо Бајден апелираше на единство, во говорот што го одржа на традиционалниот молитвен појадок во Вашингтон.
„Во нашата политика и во нашите животи премногу често се гледаме како противници, а не како конкуренти. Се гледаме како непријатели, а не како соседи. Колку и да се тешки времињата, ако погледнеме поблиску можеме да ја видиме силата и решителноста што долго време ја дефинираа Америка – рече Бајден, пренесува АП.
Молитвениот појадок се одржа во центарот за посетители на зградата на американскиот Капитол, а аудиториумот со 450 седишта беше преполн со членови на Конгресот, владини претставници и други достоинственици.
