Актуелно

Се преврте автобус во Турција, осум лица загинаа

Од Скопје 1

Објавено на 05/02/2023

Осум лица загинаа, а 35 се повредени во автобуска несреќа во Турција, јави турската телевизија ТРТ.

Автобусот кој сообраќал од Дијарбакир кон Бодрум излетал од патот и се превртел во реонот на градот Динар. На местото на настанот веднаш биле испратени спасувачки екипи.

Во автобусот имало вкупно 43 лица.

Состојбата на четворица од ранетите се оценува како сериозна, јавија турските медиуми, повикувајќи се на локални претставници, пренесоа ТАСС и БТА.