Борисов „трепка“ пред Петков, од главен ривал стигнаа рамо до рамо
Лидерот на ГЕРБ, Бојко Борисов изјави дека сака да формира влада со партијата на неговиот главен ривал, Кирил Петков – Промената продолжува, а од вчера има разговори меѓу двете формации.
За лидерот на ГЕРБ Борисов во моментов темата „претседател на парламентот“ не е особен проблем.
„Во преговорите меѓу ПП и ГЕРБ имаме многу јасни задачи – влада меѓу овие партии, даваме сè од себе. Денеска ќе формираме две комисии од двете групи – правна и финансиско-буџетска за разгледување на буџетските програми. Наш главен приоритет е влада меѓу ГЕРБ и ПП. Подготвени сме на многу компромиси“, рече Борисов.
Како пример, Борисов ја посочи Романија во која, како што кажа, постои компромис за ротирање на премиерите. Постојат различни практики, рече тој.
„Сакам да формирам влада со ПП и ДБ. Ова е најдобро за Бугарија. Од изјавите на господинот Петков и Асен Василев гледам многу поголема конструктивност. Многу повеќе! Тие стојат на своето, но зборуваат и со многу поинаков тон“, рече Борисов.
Претходно, Промената продолжува на Петков излезе со став дека нема да формира влада со Борисов.
