Албанскиот премиер Еди Рама денеска изјави дека доколку Србија наскоро не ги ослободи тројцата неодамна уапсени косовски полицајци, тоа ќе значи враќање на заладените односи меѓу Тирана и Белград.
„Колку подолго се држат тројцата полицајци уапсени во Србија, па дури и да ја поминале граничната линија и да не извршиле никакво кривично дело, се намалуваат шансите нашите билатерални односи да не направат неколку чекори назад. Ова може да биде недела на враќање на заладените односи меѓу нас, ако не бидат ослободени“, напиша Рама на Твитер.
Sa më shumë mbahen në Serbi këta tre burra që edhe sikur ta kenë shkelur vijën e kufirit s’kanë kryer asnjë krim, aq më pak do jetë e mundur që marrëdhëniet tona bilaterale të mos bëjnë shumë hapa mbrapa! Kjo do jetë java e rikthimit të akullit mes nesh nëse ata nuk lirohen! pic.twitter.com/45jylz0zGK
— Edi Rama (@ediramaal) June 19, 2023
Тројца косовски полицајци беа уапсени кога ја преминале административната линија и влегле во централна Србија на 14 јуни.
