Црногорската Специјална полиција по налог на Специјалното државно обвинителство утрово уапси неколку лица во продолжението на истрагата против шефот на тутунската мафија, објавија тамошните медиуми.
Претресите на СПО се во тек низ цела Црна Гора.
Според првите податоци на „Вијести“, потерницата содржи имиња на неколку важни личности од врвот на тутунската мафија.
Станува збор за проширена истрага на Специјалното државно обвинителство за шверц на најмалку 40 камиони со цигари, кои биле шверцувани од почетокот на 2019 година до ноември 2020 година.
