Можни се излевања заради обилни врнежи во Кочанскиот регион
![](https://skopje1.mk/wp-content/uploads/2023/06/407924-branata-konsko-najgolem-infrastrukturen-proekt-vo-gevgelisko-88441.jpeg)
Регионалниот ЦУК Штип ја пренесува информацијата РЦУК Кочани за обилни врнежи во Кочанскиот регион, а со тоа и за згоелемен прелив на браната од акумулацијата „Гратче“ и за зголемен водостој на реките Кочанска и Оризарска.
РЦУК Кочани добиено е известување од Водостопанство Брегалница Кочани дека поради врнежите што го зафатија регионот Пониква и општините Kочани, Зрновци и Чешиново-Облешево, при мерењата во 21:00 часот на брана „Гратче“ е регистрирано и големо зголемување на дотокот од денешните 1,3м3/с на 4м3/с . Со тоа е зголемен и преливот на браната, а и водостојот на реките Кочанска и Оризарска.
Предупредуваме на внимателност и подготвеност за ваквата можна состојба, бидејќи ако дојде до поголемо зголемување на водостојот на овие реки во Кочанско, се можни излевања во долниот тек на реките и поплавувања на земјоделско земјиште, а и дворови во селата низводно.
![](https://skopje1.mk/wp-content/uploads/2022/01/2222.png)