Специјални бункери во вентилациските систем на минибус со албански регистарски таблички направени со цел криење стока се откриени по контрола на возилото во кое се вршело вонреден превоз на патници на релација Тирана – Брисел. Притоа специјално направените бункери наменети за криење стока, во обид да се прикријат, биле покриени со тапацир, извести Царинската управа.
„Случајот е откриен на влез на граничниот премин Табановце од страна на царински инспектори од мобилниот тим од Секторот за контрола и истраги, кои ја извршија контролата на минибусот.
По поднесена пријава до надлежниот суд, тој донесе одлука за одземање на возилото, а изречена е и глоба за возачот на возилото поради прекршување на член 263 став 7 и член 269 став 2 од Царинскиот закон“, соопшти Царинската управа.
Ова е втор случај во една недела на заплена на возило специјално конструирано, адаптирано и приспособено со цел криење стока, додаваат од Царинската управа.
Макфакс
