Министерот за надворешни работи на Србија, Ивица Дачиќ по повод преговорите меѓу Белград и Приштина во Брисел изјави дека тоа е очекувано и дека Србија со месеци ја предупредува меѓународната заедница дека премиерот на Косово, Албин Курти е главната закана за мирот и стабилноста во регионот, што како што вели, се покажало уште еднаш.
„И тоа го прави со сила. Неговите луѓе уште пред 20 години велеа дека ниту САД, ниту ЕУ нема да им донесат независност, туку дека мора да земат оружје. И тие го прават тоа денес. Гледате дека не сака да зборува за ништо друго освен за тој пат до независноста“, рече Дачиќ, пренесуваат српските медиуми.
Наведе и дека Курти не го почитува она што е потпишано во минатото, ниту институциите како ЕУ, ниту билатерално, некои земји кои „барем се трудат да одржат балансирана позиција“.
makfax.com.mk
