Вчера, во 9.30 часот, во Полициската станица Струмица било пријавено дека на магистралниот пат Струмица – Радовиш, на делницата помеѓу селата Владевци и Радичево, се случила сообраќајна несреќа помеѓу влекач „волво“ со полуприколка, со струмички регистарски ознаки, управуван од В. Н. (60) од Струмица, и патничко возило „хонда“, со радовишки регистарски ознаки, управувано од Љ. И. (46) од село Воиславци, Радовишко, извести МВР.
„Во несреќата тешки телесни повреди добила сопатничка од патничкото возило ‘хонда’, Д. И. (42) од с. Воиславци, а телесни повреди добиле двајцата возачи, констатирани во Медицински центар во Струмица“, соопшти МВР.
Увид на местото на несреќата извршила екипа на Полициската станица Струмица.
