Европската унија ќе може да го заобиколи евентуалното унгарско вето и да ѝ даде на Украина помош од 50 милијарди евра, изјавија официјални лица во блокот.
Извршната власт на блокот предложи продолжување на буџетската поддршка за да и се помогне на Украина да ги покрие трошоците додека војната против Русија продолжува, при што 27-те земји-членки на ЕУ треба да гласаат за пакетот на самитот на 14-15 декември.
„Унгарија си ја пробува среќата. Ние би сакале да ги имаме на бродот, но ќе дојде време кога на луѓето ќе им биде преку глава од Будимпешта да ги држи сите во заложништво“, рече еден претставник на ЕУ.
Претходно, унгарскиот премиер Виктор Орбан повтори дека не го поддржува почетокот на преговорите за членство на Украина во Европската унија, со што сигнализираше дека Будимпешта може да претставува пречка за амбициите на Киев да се приклучи на Унијата.
