Украинскиот претседател Володимир Зеленски тврди дека Русија се обидува да ја дестабилизира ситуацијата во Украина со предизвикување „хаос“ во земјата.
Во изјава за Блумберг тој изрази загриженост за внатрешната стабилност и безбедност на Украина, во околностите на актуелниот конфликт со Русија.
Според него, Русија подготвува операција наречена „Мајдан-3“, со цел да предизвика државен удар во Украина.
„Нашата разузнавачка служба има такви информации, кои дојдоа и од нашите партнери“, рече Зеленски, пренесува „Униан“.
Терминот „Мајдан“, по централниот плоштад во Киев, се однесува на серија протести што се одржаа во Украина во 2013-2014 година, а што доведе до промена на власта и соборување на прорускиот поранешен претседател Виктор Јанукович.
