Русија лансираше 12 беспилотни летала и крстосувачка ракета кон Украина во текот на ноќта, а украинскиот противвоздушен систем уништи 10 беспилотни летала пред да ја погодат целта, соопшти украинското воздухопловство.
Крстосувачката ракета не е уништена, но не ја погоди целта, соопштија од воздухопловните сили без дополнителни детали. Не беше кажано што се случило со другите два дрона кои не беа уништени. „Ројтерс“ не можеше независно да го потврди извештајот на воздухопловните сили.
Беспилотните летала Шахид од иранско производство беа насочени кон северозападна Украина, соопштија од воздухопловните сили. Повеќето од нив беа урнати во јужниот украински регион Миколаев. Нема извештаи за штета од паѓање на остатоци или беспилотни летала кои не биле уништени.
