Одлуките и без Дамева како претседател се законски – постапките и избраните судии нема да се чепкаат
Судскиот совет се произнесе за дилемата дали донесените одлуки за време на мандатот на Сашко Георгиев се незаконски:
„Во врска со вчерашните изјави во јавноста со кои се отвораат дилеми околу ништавноста на сите акти донесени во периодот од изборот на Сашко Георгиев за претседател на Судскиот совет на РСМ до моментот на давањето на негова оставка, а во врска со донесената правосилна и извршна пресуда на Управниот суд, Судскиот совет има потреба да се произнесе со став дека сите акти донесени во овој период се во правна сила.
Со пресудата на Управниот суд не се доведува во прашање законитоста на одлуките донесени од Судскиот совет како колективно тело, бидејќи се поништува решението за разрешување на сегашната претседателка.“ се вели во соопштението од Судскиот совет.
