Лавров ги обвини САД, Јапонија и Јужна Кореја дека се подготвуваат за војна со Северна Кореја
![](https://skopje1.mk/wp-content/uploads/2023/12/Screenshot-2023-12-01-at-10.49.15.png)
Рускиот министер за надворешни работи Сергеј Лавров синоќа ги обвини САД, Јужна Кореја и Јапонија дека се подготвуваат за војна со Северна Кореја, јавува Асошиетед прес.
Лавров на конференцијата на ОН рече дека новиот воен блок што го собраа САД ги зајакнува воените активности и спроведува големи вежби.
„Реториката на Јужна Кореја стана уште понепријателска кон Пјонгјанг“, рече тој.
„Остри пораки доаѓаат и од Јапонија и сериозно се зборува за воспоставување инфраструктура на НАТО со помош на САД“, тврди Лавров.
Лавров рече дека целта на тој воен блок е јасно наведена.
„Тие се подготвуваат за војна со Северна Кореја“, убеден е Лавров.
Шефот на руската дипломатија рече дека САД, Јужна Кореја и Јапонија разговарале и за развојот на меѓусебната соработка.
„Многу е смешно како го формулираа, но јасно е дека се работи за соработка поврзана со нуклеарно оружје“, рече тој.
Минатата недела, трите земји спроведоа заеднички поморски вежби во кои учествуваше и американски носач на авиони, што беше демонстрација на силите на сојузниците пред Северна Кореја.
![](https://skopje1.mk/wp-content/uploads/2022/01/2222.png)