Рекордна продажба на американско оружје, сите во страв од војна: Две европски земји предничат, а една се наоѓа на Балканот
![](https://skopje1.mk/wp-content/uploads/2018/10/oruzje.jpg)
Продажбата на американско оружје во странство минатата година, поттикната од руско-украинската војна, нагло порасна и достигна рекордни 238 милијарди долари, јавува Би-Би-Си.
Американската влада директно преговарала за продажба на оружје во вредност од 81 милијарда долари, што е зголемување од 56 отсто во споредба со 2022 година, потврди Стејт департментот. Останатите беа директна продажба на американски воени компании на странски земји.
Полска, која моментално сака да ги прошири своите воени капацитети, е меѓу најголемите купувачи на американско оружје. Полска купила хеликоптери Апачи за 12 милијарди долари и платила 10 милијарди долари за ракетни системи со голема подвижност (Химарс) и 3,75 милијарди долари за тенкови М1А1 Абрамс, се наведува во фискалниот извештај на американската влада.
Полска исто така потроши 4 милијарди долари за интегрирани командни системи за воздушна и ракетна одбрана. Се вели дека Германија потрошила 8,5 милијарди долари за хеликоптери Чинук, Бугарија платила 1,5 милијарди долари за оклопни возила „Страјкер“, Норвешка купила хеликоптери за повеќе мисии во вредност од 1 милијарда долари, а Чешка купила Ф-35 и муниција во вредност од 5,6 милијарди долари.
„Трансферот на оружје и одбранбената трговија се важни алатки на надворешната политика на САД со потенцијални долгорочни импликации за регионалната и глобалната безбедност“, се вели во годишниот извештај на Стејт департментот.
Продажбата на американско оружје е зголемена бидејќи многу земји се откажаа од руското оружје, иако Русија со децении е втор најголем продавач на оружје по САД, изјави шефот на Одделот за трговија со оружје, пренесе Би-би-си.
![](https://skopje1.mk/wp-content/uploads/2022/01/2222.png)