Какви тајни и кому му раскажал полицаецот од Бор кој е приведен во истрагата за исчезнувањето на двегодишната Данка Илиќ
Потрагата по двегодишната Данка Илиќ влезе во осми ден, а пред неколку дена се појави веста дека полицаец од Бор е уапсен под сомнение дека давал информации поврзани со истрагата за исчезнувањето на девојчето. Но, не се знае какви информации дал и на кого.
Апсењето на полицаец од Бор ја вознемири јавноста, особено што се работи за случајот со исчезнувањето на девојчето Данка, по која се трага од минатиот вторник. Како што објавија медиумите минатата недела, во текот на истрагата е приведен полицаец од полициската станица Бор, кој како што беше соопштено, тој наводно открил доверливи информации од истрагата за исчезнатото девојче.
Медиумите открија и дека се работи за еден од полицајците на кој му е извршено полиграфско испитување, а тој наводно паднал на полиграф.
Две работи не се познати во целиот случај – какви информации дал споменатиот полицаец, и на кого. Од МВР се уште не се изјасниле за овој случај, што дополнително ја вознемирува и онака вознемирената јавност во Србија.
Истрагата за исчезнувањето на девојчето во Србија се уште не дава резултати, а засега нема информации што се случило со Данка во вторникот околу 13 часот и 45 минути во Бањско поле во Бор, ниту пак каде се наоѓа.
Во текот на вчерашниот ден, во рамки на истрагата која е во тек, повторно биле сослушани членовите на нејзиното семејство.
„Во вакви ситуации сосема е оправдано родителите, членовите на семејството, пријателите и другите лица со кои се блиски и кои имале информации за животни околности, во повеќе наврати да бидат во полиција, бидејќи можат да дадат корисни информации со цел. на утврдување на мотивот и расветлување на сите други околности на настанот“, вели изворот на Нова.
