Свет

(Видео) Напад во Русија: Oдекна експлозија, има и повредени

Avatar
Објавено на

За прв пат беспилотни летала нападнаа претпријатија на територијата на Татарстан, во Јелабуга и Нижнекамск, објави прес-службата на шефот на Татарстан, Рустам Миниханов. „Нема сериозни разурнувања, не е нарушен технолошкиот процес на компанијата. За жал, во Јелабуга има објекти кои се оштетени како резултат на уништувањето. Се обезбедува сета потребна помош“, рече Миниханов.

„Сега е исклучително важно да останеме смирени и да не се предадеме на паниката што одговорните за ова злосторство намерно се обидуваат да ја посеат“, додаде тој. Тој потврди дека службите се во готовност. Оперативните служби за државната новинска агенција Тас потврдија дека најмалку седум лица се повредени во Јелабуга.

„Досега е утврдено дека седум лица се повредени како резултат на нападот со дрон“, изјави изворот на Тасо. Тој истакна дека искршени се стаклата на три згради од студентски домови. Претходно беше соопштено дека шрапнели повредиле возрасен и двајца тинејџери.

NEXTA пишува дека местото на ударот е на повеќе од 1.200 километри од украинската граница. Тој наведува дека беспилотните летала Шахед камиказе се произведуваат во Јелабуга, додека во Нижнекамск има голем петрохемиски комплекс. NOELREPORTS известува дека била погодена рафинерија за нафта во Нижнекамск.

Поврзани вести преку ознаки:,

Прочитајте и:

На почеток