Нови сведоци во случајот за убиството на Данка Илиќ: Таткото на осомничениот Срѓан Јанковиќ утре ќе биде сослушан
Душан Јанковиќ, татко на Срѓан Јанковиќ (50), осомничен дека учествувал во убиството на Данка Илиќ (2), утре ќе биде сослушан во Вишото јавно обвинителство.
Во Полициската станица Заечар продолжува распитот на сведоци, а во текот на истрагата се сослушуваат соседи, роднини и колеги од работа на осомничените за околностите на движењето на осомничените во периодот од исчезнувањето на детето до нивното приведување, пишува Блиц.
Наредени се и вештачења на биолошки траги (ДНК).
„Вишото јавно обвинителство Заечар се уште ги нема добиено резултатите од вештачењето кое беше наредено. Штом ќе се создадат услови, осомничениот ќе биде упатен на невропсихијатриско вештачење во Специјалната затворска болница во Белград“, соопшти ВЈТ Зајечар.
Да потсетиме, двегодишната Данка Илиќ, која исчезна на 26 март. Како осомничени за убиството на Данка Илиќ уапсени се Срѓан Јанковиќ (50) и Дејан Драгијевиќ (50) .
Дејан Драгијевиќ признал дека го задавил девојчето откако во неа удрил со автомобил, а нејзиното тело било преместено од депонијата каде што првично било оставено. Приведен е и братот на Дејан Драгијевиќ Далибор (40), кој починал во притвор. Како што вчера соопшти ВЈТ Зајечар, им бил доставен извештајот од обдукцијата од Институтот за судска медицина во Белград, но деталите се уште не се соопштени.
Како што соопшти вчера ВЈТ Зајечар, извештајот од обдукцијата ќе биде разгледан во најкраток можен рок, по што ќе се постапи согласно одредбите од законот, за што јавноста ќе биде навремено информирана.
Во притвор е и Радослав Драгијевиќ, таткото на осомничениот Дејан Драгијевиќ.
Телото на девојчето Данка Илиќ се уште не е пронајдено.
