Силен израелски напад: Убиени најмалку 27 луѓе
![](https://skopje1.mk/wp-content/uploads/2021/05/GAza.jpg)
Најмалку 27 лица загинаа во израелски напад врз училиште во кое се сместени раселени лица во Нусејрат во Појасот Газа, соопшти денеска канцеларијата за медиуми на владата на Хамас.
Израелската армија тврди дека презела чекори за да се осигура дека во нападот нема загинати цивили и дека целта била упориште на „терористите“ во училиштето.
Засега нема потврда од палестинското Министерство за здравство за тој напад, во кој се повредени неколку десетици луѓе, јавува Ројтерс, истакнувајќи дека тој не може дополнително да ја потврди информацијата.
ИД соопшти дека целта на армијата била засолниште на терористите во училиште управувано од агенцијата на ОН за палестински бегалци УНРВА и дека нападот бил точен со неколку „елиминирани терористи“.
Канцеларијата за медиуми на Хамас го нарече нападот масакр, пишува „Тајмс оф Израел“. ИД наведува дека целното скривалиште го користеле членови на елитната група Хамас Нукба кои учествуваа во нападот на палестинската милитантна група врз Израел на 7 октомври, кога беа убиени околу 1.200 луѓе, а 251 лице беа киднапирани.
Израелската војска соопшти дека членовите на Хамас, заедно со терористичката група Палестински исламски џихад, „режирале терористички напади од областа на училиштето, злоупотребувајќи ја таа цивилна локација“.
![](https://skopje1.mk/wp-content/uploads/2022/01/2222.png)