(Видео) Земјотрес со јачина од 7,2 степени го погоди Перу
Во текот на ноќта силен земјотрес со јачина од 7,2 степени го погоди брегот на јужниот дел на Перу. Епицентарот на земјотресот бил на длабочина од 28 километри и 8 километри оддалечен од градот Атикипа. Локалните жители на социјалните мрежи напишаа дека почувствувале многу силен и долг земјотрес.
Снимките од надзорните камери во блискиот град Каравели ја покажуваат улицата за време на земјотресот и испаничените луѓе кои излегуваат од своите куќи. Земјотресот е почувствуван и во главниот град Лима, иако е на 600 километри од епицентарот, пишува CNN.
Властите велат дека нема загинати. „Само ги анализираме прелиминарните извештаи. Засега нема загинати. Ја проценуваме штетата на инфраструктурата“, рече премиерот Густаво Адрианзен. Нема опасност од цунами.
Перу и поголемиот дел од брегот на Тихиот Океан на Јужна Америка се наоѓаат на границата на две тектонски плочи: јужноамериканската плоча, која го опфаќа најголемиот дел од континентот и плочата Наска, која се протега низ Тихиот Океан долж поголемиот дел од брегот.
❗💥🇵🇪 – A strong 7.0 magnitude earthquake shook Arequipa, Peru, causing panic and property damage.
The epicenter was near the coast of Arequipa. Authorities reported only three minor injuries and property damage. The tsunami risk was initially assessed but later discarded.… pic.twitter.com/FEZ4xfBDPs
— 🔥🗞The Informant (@theinformant_x) June 28, 2024
