Германскиот извоз и увоз падна во првата половина од годината во однос на истиот период лани
Германскиот извоз и увоз падна во првата половина од годината во однос на истиот период лани, што укажува на слабост на домашната и странската побарувачка, како и на бавното закрепнување на најголемата европска економија.
На годишно ниво, извозот е намален за 1,6 отсто, на 801,7 милијарди евра, додека увозот е намален за 6,2 отсто, на 662,8 милијарди евра, покажуваат податоците на германската статистичка служба, објавени во понеделникот.
Поради ова, трговскиот суфицит е зголемен за 28,7 отсто, на 138,8 милијарди евра.
Извозот беше особено слаб во клучните сектори. Извозот на автомобили и автоделови е намален за 2,4 отсто, а на машини за 4,4 отсто. Намален е и извозот на хемиски производи за 4,4 отсто.
Најголем увозник на германски стоки останаа САД, а потоа Франција и Холандија.
Во првата половина на 2024 година, најголемиот дел од стоките увезени во Германија беа од Кина.
