Израелската војска нареди евакуација во Газа по ракетниот напад
Израелската војска издаде нови наредби за евакуација на северозападниот дел на Газа, од каде што тврдат дека палестинските милитанти во неделата истрелале ракети врз блискиот израелски град Ашкелон.
Армијата соопшти дека пресретнала еден проектил, додека другиот паднал во морето.
Во првите недели од војната предизвикана од нападот на Хамас на 7 октомври 2023 година, Израел нареди евакуација на цела северна Газа, вклучувајќи го и најголемиот град на територијата.
Повеќето жители ги послушаа наредбите и се упатија на југ, но до 300.000 останаа на север, каде што израелските воздушни и копнени операции предизвикаа широко уништување. Од октомври, северниот дел на Газа е опколен од израелски сили и во голема мера изолиран.
Околу 90 отсто од предвоеното население на Газа од 2,3 милиони беше раселено во 11-месечната војна, честопати повеќе пати. Стотици илјади луѓе беа сместени во шаторски кампови долж брегот со малку или без јавни услуги и помош.
