Четири пожари на отворено во последното деноноќие
Центарот за управување со кризи (ЦУК) информира дека во последното деноноќие имаше четири (4) пријавени пожари на отворено, покрај пожари во урбани средини и населени места, на територијата на државата.
Конкретно, Регионалниот ЦУК Битола информира дека пожарникарите од Територијалната противпожарна единица (ТППЕ) Битола од 18.35 до 21.20 часот со 1 ПП возило и 3 пожарникари интервенирале на запалена ниска вегетација и стрниште во с.Мусинци (Општина Могила).
Од ТППЕ Прилеп, во период од 18.58 до 19.40 часот со 1 ПП возило и 2 пожарникари интервенирале на запалено ниска вегетација кај ресторан „Романса“ (Општина Прилеп).
Регионалниот ЦУК Струмица, информира дека пожарникарите од ТППЕ Струмица од 13:35 до 14:40 часот со 1 ПП возило и 3 пожарникари интервенирале на запалена ниска вегетација во с.Градско Балдовци, каде што била зафатена површина од околу 1 хектар (Општина Струмица).
Речиси истовремено, струмичките пожарникари во период од 13:20 до 18:40 часот со 1 ПП возило и 2 пожарникари интервенирале и на запалена депонија во близина на с.Босилово (Општина Босилово).
