(Видео) Алијанса за Албанците: МВР треба да ги открие и сторителите на палењето на албанското знаме, ВРЕДИ не се осмелува ни да го спомне
Алијанса за Албанците го повика Министерството за внатрешни работи да постапи итно и како што постапи со откривањето на лицата кои го сквернавеа државното знаме, со иста итност да постапи и против оние кои го запалија албанското знаме.
„Доколку оваа акција изостане, тогаш уште еднаш ќе се истакне дека законот и органите на прогонот се селективни во оваа земја и дека дејствуваат само кога Албанците треба да бидат казнети.
Ги повикуваме и губитниците во Владата, коалицијата вреди, еднаш да се ангажираат во корист на Албанците, во одбрана на националното знаме и во донесување правда и еднаквост за граѓаните во државата. Скандалозна е нивната реакција каде од почеток до крај не се ни осмелуваат да го спомнат палењето на албанското национално знаме. Дали ова значи дека некој друг ги пишува соопштенијата а тие само ги преведуваат!?
Ваквото селективно однесување на институциите само кон една етничка заедница, додека толерираат и привилегираат друга заедница, служи само за продлабочување на меѓуетничкиот јаз, зголемување на недовербата на граѓаните кон државата и институционалната дискриминација“, велат од Алијанса за Албанците.
