Владата на Никарагва: Ватикан педофилска држава
Владата на Никарагва го опиша Ватикан како „развратена“ и „педофилска“ држава, два дена по интервјуто на католичкиот телевизиски канал EWTN со егзилираниот никарагвански бискуп Роландо Алварез, еден од најжестоките критичари на претседателот Даниел Ортега.
Коментарите се едни од најострите напади на владата на Ортега против Ватикан, откако ги обвини католичките институции дека сакаат да ја поткопаат владата и протераа речиси 50 свештеници и калуѓерки.
Аналитичарите велат дека зголемените тензии би можеле да извршат дополнителен притисок врз католичките бискупи и свештеници кои остануваат во централноамериканската земја и да ја ограничат нивната можност да стигнат до Светата столица.
📹 VIDEO | "Yo siempre pensé y creí en mi libertad". En una emotiva entrevista, Mons. Rolando Álvarez habló sobre su liberación en Nicaragua en enero de 2024, la cual describió como “una acción sobrenatural de Dios”. Puedes leer la entrevista completa en https://t.co/qRWm33oOCj pic.twitter.com/uhNfnbnqGw
— ACI Prensa (@aciprensa) February 7, 2025
Министерството за надворешни работи на Никарагва ја нарече највисоката католичка институција „изопачена, педофилска држава Ватикан“, велејќи дека е „сојузник со силите на темнината, варварството, геноцидот и злото“, додавајќи дека „во голема мера е виновна за злосторства против човештвото“.
Телевизиското појавување на Алварез на 7 февруари беше негово прво интервју откако беше ослободен во јануари 2024 година по повеќе од една година притвор.
Тој изрази благодарност за неговото физичко и ментално закрепнување и надеж за народот на Никарагва, велејќи дека „во дијаспората верата секогаш расте, а надежта зајакнува“.
Апсењето на Алварез во 2022 година беше едно од најозлогласените притворања за време на задушувањето на неистомислениците што произлегоа од протестите во 2018 година кои оставија повеќе од 350 мртви и предизвикаа меѓународен негод за кршење на правата.
Во последните месеци, папата Франциско ги повика католиците да се молат за Никарагва, повикувајќи во декември на „пат на почит и конструктивен дијалог“.
