Терорист уби двајца членови на нашата амбасада, додека си заминуваа од Еврејскиот музеј во Вашингтон, објави Израел
Двајца членови на персоналот на израелската амбасада во Вашингтон беа убиени пред Еврејскиот музеј во Вашингтон, изјави американската министерка за внатрешна безбедност Кристи Ноем.
„Џарон и Сара беа наши пријатели и колеги. Тие беа во цветот на својот живот. Таа вечер, еден терорист ги уби додека си заминуваа од настан во Еврејскиот музеј во Вашингтон“, објави Амбасадата на Израел на социјалните медиуми, објави „Тајмс оф Израел“.
Сара Милгрим работеше во секторот за јавна дипломатија на амбасадата.
🚨 | BREAKING: DC assassin who murdered two Israeli embassy staffers outside the Jewish Museum has been identified as Elias Rodriguez of Chicago.
After being arrested, he yelled “Free Palestine” and told police where he ditched the gun.
One of the victims was about to propose… pic.twitter.com/dXdK8ORCpt
— Hank™ (@HANKonX) May 22, 2025
Таа имаше магистерска диплома по меѓународни студии од Американскиот универзитет и уште една во областа на природните ресурси и одржливиот развој од Универзитетот на Обединетите нации за мир.
Џарон Лишински (28) работеше во политичкиот оддел на амбасадата и имаше магистерска диплома по дипломатија и стратегија од Универзитетот Раџман, како и диплома по меѓународни односи од Еврејскиот универзитет.
Во својата биографија на блогот „Тајмс оф Израел“, Лишински се опиша себеси како „страствен застапник“ на Авраамовите договори и регионалната соработка, нагласувајќи ја својата верба во проширувањето на мирот со арапските соседи на Израел.
Осомничениот за убиството на двајцата дипломати е идентификуван како 30-годишниот Елиас Родригез од Чикаго.
